আমি প্ৰাথমিক বিদ্যালয়ত পঢ়ি থাকোত এটা কবিতা পঢ়িছিলো – ‘সুখ নাই সুখ নাই কতো ধৰুৱাৰ, অনুমাত্ৰ সুখ নাই চিৰ ৰুগীয়াৰ….’। মানুহ এজন যদি ৰুগীয়া হয় তেন্তে নিজৰ লগতে পৰিয়ালৰো সুখ বিনষ্ট হয়। সুখী হবলৈ স্বাস্থ্য ভাল হ’ব লাগিব আৰু স্বাস্থ্যৰ কথা আমি যেতিয়া কওঁ আমি সাধাৰণতে ভাল ডায়েট বা পুষ্টিকৰ খাদ্য, ব্যায়াম, ডাক্তৰ, চিকিৎসালয়, ঔষধ, টোপনি আদিৰ কথা কওঁ। কিন্তু এটা গৱেষনাই বাখ্যা কৰিছে যে আমাৰ স্বাস্থ্যৰ বাবে আটাইতকৈ প্ৰয়োজনীয় আৰু গুৰুত্বপূৰ্ণ উপাদান হ’ল মানুহৰ লগত আমাৰ সম্বন্ধ বা সম্পৰ্কবোৰ ( Relationship)। দশকযোৰা অধ্যয়ন আৰু অভিজ্ঞতাৰ পৰা কলম্বিয়া বিশ্ববিদ্যালয়ৰ অধ্যাপিকা কেলি হাৰ্ডিঙে ( Kelli Harding) প্ৰমাণ কৰিছে যে আমি দৈনিক জীৱনত মানুহক কিদৰে ব্যৱহাৰ কৰো বা আমাক কিদৰে ব্যৱহাৰ কৰে ই ঘৰতে হওঁক বা সমাজতে হওঁক অথবা কৰ্মক্ষেত্ৰতে হওঁক তাৰ ওপৰত বহু পৰিমাণে নিৰ্ভৰ কৰে আমাৰ স্বাস্থ্য। জনস্বাস্থ্য সম্পৰ্কীয় তথ্যসমূহ অধ্যয়ন কৰিলে এই কথা স্পষ্ট হৈ পৰিব যে আমাৰ কাৰ্য্যক্ষেত্ৰৰ মেনেজাৰ বা বছ জন ভাল হ’লে – ই ভাল ডাক্টৰৰ কাম কৰে। এগৰাকী মানুহ সুষ্ঠ থাকিবলৈ বা বেমাৰৰ আক্ৰমন প্ৰতিৰোধ কৰিবলৈ কাৰ্য্যক্ষেত্ৰৰ লগতে ঘৰৰ পৰিৱেশ ভাল হ’ব লাগিব, সকলোৰে লগত সম্বন্ধবোৰ সুষ্ঠ হ’ব লাগিব আৰু হ’ব লাগিব সন্মানপূৰ্বক আৰু সৌহাদ্যমূলক। অধ্যাপিকা গৰাকীয়ে এই গৱেষনা প্ৰথমতে এটা শহাপহুৰ ওপৰত কৰা বাবে ইয়াক ‘ৰেবিট এফেক্ট’ বুলি জনা যায়।  উদাহৰণ স্বৰূপে কলেষ্টৰেল বা ৰক্তচাপ জনিত কাৰণত যিমান মানুহ হৃদৰোগত আক্ৰান্ত হৈ প্ৰাণ এৰে তাতকৈ বেছি মানুহে হৃদৰোগত আক্ৰান্ত হৈ প্ৰাণ এৰে চাকৰিত বা কৰ্মক্ষেত্ৰত অসন্তুষ্টি পায়। যদি মেনেজাৰ বা সঞ্চালক বা বছ জনে ইচ্ছা কৰিলেহেতেন সেই কৰ্মচাৰীজনক বচাব পাৰিলেহেতেন। বেমাৰ ভাল কৰাত চিকিৎসক এজনৰ গুৰুত্ব অপৰিসীম কিন্তু এজন ব্যক্তিক শাৰিৰীক আৰু মানসিক ভাৱে সুষ্ঠ কৰি ৰাখিবলৈ কৰ্মক্ষেত্ৰ, সমাজ আৰু পৰিয়ালৰ মানুহবোৰৰ লগত এক সুষ্ঠ সম্পৰ্ক বৰ্তাই ৰখাটো অতীব প্ৰয়োজনীয়। আপুনিও পৰিয়াল আৰু সম্পৰ্কীয় লোকসকলৰ লগত আৰু কৰ্মক্ষেত্ৰৰ সকলোৰে লগত মধূৰ সম্পৰ্ক এটা বজাই ৰাখক আপুনিওঁ সুষ্ঠ হৈ সুখত থাকিব আৰু আনজনকো সুষ্ঠহৈ থকাত আপুনি অৰিহণা জগাব।