যোৱা এটা দশকৰো অধিক কাল সময় কেৰিয়াৰ কাউন্সেলিঙত জড়িত থাকি প্ৰায় ৫-৬ হাজাৰৰো অধিক ছাত্ৰ-ছাত্ৰীৰ লগত প্ৰত্যক্ষ আৰু পৰোক্ষ ভাৱে মত বিনিময় কৰাৰ সুযোগ লাভ কৰিছিলো। ‘সমিধান’ৰ জৰিয়তে আৰম্ভ কৰা এই দিঘলীয়া যাত্ৰাত যোৱা এটা দশকত বিভিন্ন ছাত্ৰ-ছাত্ৰীৰ পৰা পোৱা প্ৰশ্ন তথা জিজ্ঞাসা সমূহৰ বিশ্লেষণ কৰিলে দেখা পোৱা যায়যে প্ৰায় অধিক সংখ্যক ছাত্ৰ-ছাত্ৰীয়ে কেৰিয়াৰ সম্পৰ্কে সচেতন নহয়। কিয় পঢ়ি আছে, পঢ়া শুনা কৰি কি হ’ব, সিহতৰ হাতত তাৰ উত্তৰ নাই আৰু লক্ষ্যবিহীন ভাৱে আগবাঢ়ি বহু ছাত্ৰ-ছাত্ৰীয়ে এটা সময়ত দোমাজাত পৰে। ছাত্ৰ-ছাত্ৰীৰ লগত মত বিনিময় কৰাৰ সমান্তৰাল ভাৱে বহু অভিভাৱকৰ লগতো ওচৰৰ পৰা কথা পতাৰ সুবিধা পাইছিলো। বহু সময়ত স্কুলৰ ছাত্ৰ-ছাত্ৰী সকলৰ ওপৰতো অত্যাধিক চাপ দিয়া হৈছে, বুজিবলৈ যত্ন কৰা হোৱা নাই- ছাত্ৰ বা ছাত্ৰীগৰাকীৰ শিকন ক্ষমতা কিমান বা কেনেকৈ বুজালে সোনকালে বুজি পাই। গানৰ স্কুলতো নাম লগাই দিছে আৰু টাইকোৱানডোৰ স্কুলতো নাম লগাই দিছে, কোনোবাই নিজৰ ল’ৰা-ছোৱালীক চুইমিং আৰু ড্ৰয়িং দুইটাই শিকিব দিছে ইত্যাদি ইত্যাদি। বহুক্ষেত্ৰত আমি ছাত্ৰ বা ছাত্ৰীগৰাকীৰ সামৰ্থ্য বুজিবলৈ চেষ্টা কৰা নাই আৰু শেষত গৈ বিশেষ একো ফলাফল নোহোৱাকৈ সময় আৰু ধনৰ অপচয় হৈছে।

         প্ৰত্যেক ল’ৰা-ছোৱালীৰে এক জন্মগত বুদ্ধিমত্তা (Inborn Talent) থাকে আৰু এই বুদ্ধিমত্তা চিনি ল’ব পাৰিলে জীৱন আৰু কেৰিয়াৰ আগবঢ়াই লৈ যোৱাত সুবিধা হয়। ল’ৰা বা ছোৱালীগৰাকীৰ ব্যক্তিত্ব (personality), সামৰ্থ্য (strength), দুৰ্বলতা (weakness), শিকণ পদ্ধতি (Learning Style) ইত্যাদি জানিবলৈ হ’লে এটা বিজ্ঞানসন্মত পদ্ধতি আছে। DMIT নামৰ এই পদ্ধতিৰ জৰিয়তে আঙুলিৰ ছাপ ( Finger Print) লৈ এই বিশ্লেষনটো কৰা হয়। আমি সকলোৱে জানোযে আমাৰ সকলোৰে আঙুলিৰ ছাপ বেলেগ বেলেগ আৰু আঙুলিৰ ছাপবোৰৰ মগজুৰ লগত পোনপটীয়া সম্পৰ্ক। আপোনাৰ আঙুলিৰ ছাপেই কৈ দিব পাৰে আপোনাৰ বিষয়ে। বহু অভিভাৱক আৰু শিক্ষানুষ্ঠানৰ অনুৰোধ মৰ্মে যোৱা মাহত PLVarsityৰ সহযোগত গুৱাহাটীত  আমি আৰম্ভ কৰিছো এই DMIT পৰীক্ষা। দশকযোৰা কাউন্সেলিঙৰ অভিজ্ঞতা আৰু কিছু প্ৰশিক্ষণক সাৰথি কৰি কাউন্সেলিঙ পাৰ্টটো মই নিজেই চাই আছো। গুৱাহাটী তথা উত্তৰ-পূৰ্বাঞ্চলত দুই-এটা লেবত এনেকুৱা পৰীক্ষা কৰে যদিওঁ ইয়াৰ কাউন্সেলিঙৰ বিষয়ে মই ইমান অৱগত নহয়। তুলনামূলক ভাৱে পৰীক্ষাটো অলপ খৰছী (প্ৰায় ৪-৫ হাজাৰ মান টকা) যদিও ই আপোনাৰ ল’ৰা-ছোৱালীকযে এক সঠিক দিশ নিৰ্দেশনা দিব সেয়া নিশ্চিত। যদি কোনো অভিভাৱকে নিজৰ ল’ৰা-ছোৱালীৰ এই বায়’মেট্ৰিক পৰীক্ষা কৰাব বিচাৰে তেওঁলোকে গুৱাহাটীৰ ৰুক্মিনিগাওঁত থকা PLVarsityৰ কাৰ্যালয়ত আগতীয়াকৈ এপ’ইনমেণ্ট লৈ ফিংগাৰ প্ৰিণ্ট দি যাব পাৰে। ফিংগাৰপ্ৰিণ্ট দিয়াৰ পিছত লেবত ৰিপোৰ্ট প্ৰস্তুত হৈ কাউন্সেলিঙলৈ অহালৈকে প্ৰায় এক সপ্তাহৰ সময় লাগে। DMITৰ জৰিয়তে বিয়া পাতিবলৈ সাজু হোৱা যুৱক-যুৱতীয়েও এইটো পৰীক্ষা কৰিব পাৰে (Couple Counselling), য’ত Compatibility Test কৰা হয়। বহু সময়ত আমি দেখা পাওঁ বিয়াৰ পিছত বহুতৰে মত বিভেদ বা বিবাহ বিচ্ছেদ হয়, এনেক্ষেত্ৰত যদি এজনে আনজনৰ বিষয়ে আগতীয়াকৈ জানি লয় তেতিয়া সাৱধান হ’ব পাৰি বা শুধৰণি কৰাৰ উপাই উলিয়াব পাৰি। ফিংগাৰপ্ৰিণ্ট দিবলৈ এপইনমেণ্ট ল’বৰ বাবে বা বিশদভাৱে জানিবলৈ 0361-3589911 ফোন নম্বৰত যোগাযোগ কৰিব পাৰে। (ড° প্ৰাঞ্জল কলিতা)