পুতেকৰ বিয়াৰ সময়তযে এগৰাকী ধুনীয়া মাকৰ ফ’টো কিছুদিন আগতে চৰ্চিত হৈছিল, মনত আছে চাগে আপোনালোকৰ। বোৱাৰীগৰাকীতকৈও ডেকাযেন লগা ভদ্ৰ মহিলাগৰাকী কিন্তু বহুতৰে বাবে প্ৰেৰণাৰ উৎস হ’ব পাৰে। এইটো বয়সত নিজকে ডেকা কৰি ৰখা নিশ্চয়কৈ সহজ নহয়। মই মিজোৰামৰ আইজলত চাকৰি কৰি থাকোতে এগৰাকী ভদ্ৰলোক লগ পাইছিলো তেওঁৰ তেতিয়া বয়স আছিল প্ৰায় ৮৫ বছৰ। তেও তেতিয়া ল’ন টেনিছ খেলে আৰু তেও যিটো স্পীডত খেলিছিল আমাৰ দৰে বহুতে এতিয়াও খেলিব নোৱাৰিম, তেওঁৰ গাড়ী চলোৱাও এটা নিচা আছিল আৰু নিজৰ গাড়ী নিজেই চলাইছিল।
নিজক কিমান ভাল পালে, নিজৰ শৰীৰ ইমান ধুনীয়াকৈ ৰাখিব পাৰে তাৰ উত্তৰ হয়তো তেওলোকেহে দিব পাৰিব। দুয়োগৰাকী ব্যক্তিত্বই মোক আকৰ্ষিত কৰে।
অলপ অন্য কথা, ‘if you want to stay young, always stay with young soul and minds’ অৰ্থাত যদি ডেকা হৈ যদি থাকিব বিচাৰিছা তেন্তে ডেকা মনৰ মানুহৰ লগত থাকিব লাগে। বহুত মানুহ কম বয়সতে মনৰ পৰা বুঢ়া হৈ যায়। শৰীৰটো ডেকা কৰি ৰাখিব পাৰিলে ভাল কিন্তু, আমি ইচ্ছা কৰিলে আমি আমাৰ মনবোৰ ডেকা কৰি ৰাখিব পাৰো। মনৰ পৰা যদি ডেকা হৈ থাকে তেন্তে বয়স এটা সংখ্যাত বাহিৰে আন একো নহয়, শৰীৰো ভালে থাকিব।
ডেকা ল’ৰা-ছোৱালীৰ লগত কথা পাতক, সপোন দেখক, বিহু নাচক, মুকলি ঠাইত মন খুলি চিঞৰক, গান শুনক, খেলিবলৈ যাওক আৰু নিজক প্ৰাণভৰি ভাল পাওক।
ভাল বস্তু বিশেষ খাব নালাগে, মদ-চিগাৰেট-গুটখা নাখালেই হ’ল। বুঢ়া বুঢ়া কথা কোৱা মানুহৰ পৰা অলপ দূৰতেই থাকক।