ট্ৰান্স-চাইবেৰিয়ান ৰেলৱে (Trans-Siberian Railway): এই ৰেলপথটো ৰাছিয়াৰ ৰাজধানী মস্কোৰ পৰা চাইবেৰিয়াৰ প্ৰশান্ত মহাসাগৰ তীৰৰ বন্দৰ চহৰ ব্লাডিভস্তক (Vladivostok) চহৰলৈ বিয়পি আছে । ৯২৮৯ কি:মি: দৈৰ্ঘ্যৰ এইটো ৰেলপথ বিশ্বৰ তৃতীয় দীৰ্ঘতম ৰেলপথ হিচাপে পৰিচিত । এই ট্ৰান্স-চাইবেৰিয়ান ৰেলৱে নেটৱৰ্ক ৰাছিয়া চৰকাৰে ১৮৯৩ চনৰ পৰা ১৯১৬ চনৰ ভিতৰত নিৰ্মান কৰি উলিয়াইছিল । বিশ্বৰ দীৰ্ঘতম আৰু দ্বিতীয় দীৰ্ঘতম ৰেলপথছোৱা ৰাছিয়াৰ এই ৰেলৱে নেটৱৰ্ক ট্ৰান্স-চাইবেৰিয়ান ৰেলৱে ব্যৱহাৰ কৰে, সেয়ে বহুতে ট্ৰান্স-চাইবেৰিয়ান ৰেলৱেক বিশ্বৰ দীৰ্ঘতম ৰেলপথ হিচাপেও উল্লেখ কৰে । পিছলৈ এই ৰেলৱে নেটৱৰ্কৰ লগত মস্কোৰ পৰা মংগোলিয়াৰ ৰাজধানী উলানবাটাৰ হৈ চীনৰ বেইজিংৰ লগত ৰেলপথ সংযোগ কৰা হৈছে । এই পথছোৱাক ট্ৰান্স-মংগোলিয়া বুলি জনা যায়, কিন্তু বহুতে এই পথছোৱা ট্ৰান্স-চাইবেৰিয়ান ৰেলৱেৰ লগত সংযোগী বাবে ট্ৰান্স-চাইবেৰিয়ান ৰেলৱেৰ অংশ বুলি কয় ট্ৰান্স-মংগোলিয়া পথছোৱাক । বিশ্বৰ পৰ্য্যতন মানচিত্ৰত এইৰেলপথে পৰ্য্যটকৰ বাবে বিশেষ আকৰ্ষণ হৈ পৰিছে ।