Pranjal

হলিউড, বলিউদ, জলিউড ইত্যাদি: হলিউড বুলি কলে আমাৰ মনলৈ ইংৰাজী চিনেমাৰ কথা আহে । আমেৰিকাৰ কেলিফৰ্ণিয়াৰ লছ-এঞ্জেলেছৰ ওচৰত অৱস্থিত এখন ঠাই য’ত আমেৰিকাৰ অধিকাংশ বিখ্যাত ফিল্ম ষ্টূদিওঁ আছে, ইংৰাজী চিনেমাৰ ঘৰ বুলি কব পাৰি এইখন ঠাইক; হলিউড নামৰ এই ঠাইখনৰ পৰাই ইংৰাজী চিনেমা হলিউড বুলি পৰিচিত হৈ পৰে । তেনেকে বোম্বাই ( এতিয়াৰ মুম্বাই) আৰু হলিউডৰ সংযোগ ঘটাই ভাৰতৰ হিন্দি চিনেমাক বলিউড হিচাপে জনাজাত । অসমৰ জ্যৌতিপ্ৰসাদ আগৰৱালাই আৰম্ভ কৰা অসমীয়া চিনেমাক জ্যৌতি চিত্ৰবন আৰু হলিউড শব্দটো জোৰা লগাই জলিউড হিচাপে জনা যায় । তেনেকৈ বঙালী চিনেমাক টালিগঞ্জ আৰু হলিউডৰ সংযোগেৰে টলিউড, তামিল চিনেমাক চেন্নাইৰ ওচৰৰ কোডামবাক্কাম (য’ত অধিকাংশ ফিল্ম ষ্টূদিওঁ আছে) আৰু হলিউড লগ লগাই কলিউড হিচাপে নাম লয় ।